Fjallagrös - 25 gr.

Vörulýsing

Fjallagrös (Cetraria islandica)
Slímefnin  í jurtinni eru græðandi fyrir magann og hálsinn en ekki lengra niður vegna þess að þar eru þau melt. Þau eru því góð fyrir magabólgur, magasár og hálsbólgur. Bitrungarnir örva meltinguna og efla starfsemi kirtla í meltingakerfinu, því meltist matur betur eftir töku á fjallagrösum. Slímefnin virka fyrir kvef almennt í öndunarfærum. Jurtin er einnig bakteríudrepandi bæði fyrir bakteríur í maga og í öndunarfærum. Þegar jurtin er notuð fyrir hósta þá er best að fjarlægja bitrungana. Það er gert með því að láta suðuna koma upp, hella því vatni af og setja svo nýtt vatn og sjóða í 2-3 mín. Fyrir magann þá er jurtin alls ekki soðinn heldur látin síast í heitu vatni í 30 mín. Þarna fáum við bara slímefni og skiljum bitrungana eftir því þeir geta ert magann ef fólk er með magabólgur. Ef við viljum bæði bitrunga og slímefnin þá viljum við sjóða grösin í 5 mín og nota seyðið af því. Almennt eru fjallagrösin styrkjandi og efla þrótt, því er gott að taka þau í flestum tilfellum ef maður er eitthvað slappur.

Virk efni: M.a. slímefni, steinefnasölt og bitrungar.

Notkun: 1-2 gr í suðu 3 sinnum á dag eða 3-6 gr fyrir dagskammt í 1 lítra af vatni. Þetta er eins mikið og þarf ef fólk vill nota þetta til lækninga en annars bara þegar hver og einn vill fá sér seyði.