Endurnærandi Hreinsun fyrir huga og líkama


124.900 ISK

Veldu

Vinsamlegst veldu einn valmöguleika.

Fjöldi

Bæta í körfu

Vörulýsing

VNR:

Endurnærandi hreinsun fyrir huga og líkama með Kolbrúnu Grasalækni og Jóhönnu Jógakennara

21 dags hreinsun og 3 daga fasta á Kríunesi frá 28.-31.október

EITUREFNI Í NÚTÍMANUM: Við búum í hálfgerðri eiturefnasúpu í dag, svo mikið að það er byrjað að bitna á heilsunni okkar. Okkar sýn er að við þurfum að hreinsa okkur reglulega til að geta haft líkama sem virkar vel.

AÐHALD Í NÆRANDI UMHVERFI: Saman förum við á Kríunes við Elliðavatn og gistum þar í 3 nætur á meðan að föstunni stendur. Umhverfið þar er mjög nærandi bæði inni og úti. Við höfum aðgang að heitum potti og saunu. Herbergin eru mjög vel útbúin, hver með sitt eigið baðherbergi. Reynslan hefur sýnt okkur að það er áhrifaríkara og auðveldara að hreinsa saman í hóp, heldur en einn heima hjá sér.

FRÆÐSLA: Kolbrún grasalæknir mun sjá um hreinsihlutann, hugleiðslu, öndun, dans og tengingu náttúruaflanna við líkamann. Jóhanna mun sjá um fræðslu á áhrif hugar á heilsu og einni mun hún leiða nokkra jóga Nidra tíma sem hún nýtir sem farveg til breytinga.

HREINSUNIN SJÁLF: Hreinsunin öll stendur yfir í 21 dag. Við tökum út allan sykur, glútein, mjólkurvörur, unninn mat og ger. Tökum svo 3 daga í safaföstu saman á Kríunesi ( langmest lífrænt ræktað). Við komum til með að hittast einu sinni fyrir hreinsunina til undirbúnings og svo aftur eftir helgardvölina okkar í Kríunesi varðandir eftirgjöf.

DAGSKRÁ
19 október         Undirbúningsfundur
22 október         Hreinsun hefst
28-31 október    Hreinsihelgi á Kríunesi
29 október         Safafastan byrjar
1 nóvember       Fastan brotin samkvæmt skipulagi
2 nóvember       Eftirfylgni. hvað tekur við?
15 nóvember     Hreinsun lýkur

ÞAÐ SEM ÞÚ ÞARFT AÐ VITA

  • Verð á mann í tveggja manna herbergi 124.900 kr
  • Verð í einstaklingsherbergi 147.900 kr
  • Allt innifalið - Gisting, fræðsla, matur og safar yfir helgina, jurtablöndur sem aðstoða
    við hreinsunina.
  • Aðeins 22 pláss laus og skráning er hafin
  • Skráning hjá Jurtaapótekinu www.jurtaapotek.is eða í síma 552 1103

Kolbrún Björnsdóttir, eigandi og stofnandi Jurtaapóteksins, hefur starfað við grasalækningar í 28 ár eða frá því að hún útskrifaðist úr grasalæknaskólanum í Bretlandi árið 1993. Hún lærði náttúrulækningar hjá Faridu Sharan og lithimnulestur 1997. Einnig hefur hún tekið mörg námskeið í Ayurvedískum lækningum hjá Dr Shubhangee frá Indlandi og útskrifaðist úr jógakennaranámi frá Kirstbjörgu Kristmunds 2017.
Þessa víðtæku þekkingu og reynslu Kolbrúnar er m.a. að sjá í bókinni "Betri næring - betra líf" en sú bók var á metsölulista bókabúða frá því að hún kom út og lengi það árið. Í bókinni ítrekar Kolbrún að góð melting sé undirstaða góðrar heilsu og vellíðunar. Kolbrún hefur einnig haldið fjölda námskeiða og fyrirlestra um margt tengt heilsu og jurtum.
 

Jóhanna Björk Briem er með MA gráðu í áhættuhegðun og forvörnum, hefur lagt stund á meistaranám í náms-og starfsráðgjöf. Jóhanna er löggiltur sjúkranuddari, höfuðbeina-og spjaldhryggsjafnari, yoga nidra leiðbeinandi og yogakennari. Jóhanna hefur undanfarin ár starfað við sjúkranudd á sjúkraþjálfunarstöðinni Stíganda, verið með yoga Nidra námskeið í Endurmenntun HÍ sl. 5 ár, yoga Nidra námskeið í Heilsuklasanum og í fyrirtækjum. Jóhanna hefur mikinn áhuga á forvörnum í víðu
samhengi, það er hvað við sjálf getum gert
 til þess að búa við góða heilsu og líða vel.

Bætt í körfu!

Jurtaapótek

jurtaapotek@jurtaapotek.is

Skipholti 33
105 Reykjavík
Sími 552 1103

Opnunartími

10-18 virka daga
11-14 laugardaga

© Jurtaapótek 2021, allur réttur áskilinn