20% afsláttur af jurtablöndu júlí mánaðar sem er Suttungamjöður

Jurtablanda júlí mánaðar er Suttungamjöður og verður hún með 20% afslætti hjá okkur út mánuðinn.


Umhverfið sem við lifum í er mengað. Maturinn sem við borðum inniheldur oft efni sem við getum ekki einu sinni borið fram, snyrtivörurnar sem við notum geta innihaldið þekkt krabbameinsvaldandi efni, við tökum lyf sem auka álagið á líkamann, jafnvel loftið sem við öndum að okkur er fullt af mengandi efnum. Það er því ekki skrítið að líkamar okkar séu undir endalausu álagi, við þjáumst af alls konar kvillum og nælum okkur í allar pestir sem ganga. Því er mjög nauðsynlegt að taka til reglulega, hreinsa líkamann og matarræðið. Sumarið er góður tími til þess því það er gott að vera tilbúinn áður en haustpestirnar fara að ganga. Til þess höfum við mjög öfluga hreinsandi blöndu sem kallast Suttungamjöður.
Blandan er afar blóðhreinsandi, eykur lifrar- og nýrnastarfsemina þannig að hreinsunin í líkamanum örvast. Hún hefur vökvalosandi áhrif og kemur sogæðakerfinu í betra lag. Suttungamjöð er mjög gott að taka þegar mataræðið er tekið í gegn eða til þess að hreinsa líkamann.

Blandan inniheldur 6 afar öflugar jurtir sem allar eru hreinsandi á sinn hátt.

Mjólkurþistill (Carduus marianus) er afar hreinsandi og styrkjandi fyrir lifrina. Hann hjálpar lifrinni að mynda nýjar lifrarfrumur og er því einstaklega góður fyrir alla þá sem þurfa að hressa upp á lifrina sína. Hann hefur einni góð áhrif á nýrun, getur komið í veg fyrir gallsteina og eykur góða kólesterólið í líkamanum.

Króklappa (Arctium lappa) örvar gallframleiðslu lifrar sem örvar niðurbrot fæðu og örvar hægðir. Þessi jurt er ein allra sterkasta lifrarhreinsijurtin. Hún lækkar blóðþrýsting, kemur jafnvægi á hormónaframleiðslu, styrkir ónæmiskerfið, er blóðhreinsandi, hreinsar sogæðakerfið og er vökvalosandi.

Brenninetla (Urtica dioica folia) er einstaklega vökvalosandi, styrkir varnir líkamans, er járnrík og nærandi og einstaklega góð fyrir fólk sem þjáist af blóðleysi. Hún örvar nýrun og hreinsar blóðið.

Klóelfting (Equisetum arvense) er einstaklega vökvalosandi, styrkir allan bandvef líkamans, er bólgueyðandi, barkandi og svitadrífandi ásamt því að örva nýrun.

Cayenne pipar (Capsicum annuum) örvar blóðflæðið um allan líkamann, kemur sogæðakerfinu í gang, örvar munnvatnsmyndun og matarlyst hjá fullorðnu fólki, er sótthreinsandi, krampalosandi, vindlosandi og styrkir hjarta og æðakerfi.

Spirulina (Arhrospira platensis) er blóðhreinsandi, bólgueyðandi, andoxandi og einstaklega næringarrík. Hún inniheldur 18 amínósýrur (ma þær 8 lífsnauðsynlegu), ásamt helling af vítamínum og steinefnum. Jurtin er einstaklega góð fyrir þá sem eru á hreinsikúrum eða að taka líkamann í gegn.

Til baka

Jurtaapótek

jurtaapotek@jurtaapotek.is

Skipholti 33
105 Reykjavík
Sími 552 1103

Opnunartími

10-18 virka daga
11-14 laugardaga

© Jurtaapótek 2015, allur réttur áskilinn